VEKAS компаниясынан Қазақстан өндірушілеріне арналған цифрлық таңбалауды кешенді енгізу

Қазақстанда цифрлық таңбалау міндетті таңбалауға жататын тауарларды өндіретін компаниялар үшін өндірістік процестің маңызды бөлігіне айналып келеді. Өндіруші үшін Data Matrix кодын қаптамаға түсіру ғана емес, сонымен қатар таңбалау жүйесін өндірістік желінің, есепке алу жүйелерінің, қойма мен жөнелту процестерінің жұмысына кіріктіру де маңызды. Tañba бірыңғай тауарларды таңбалау мен қадағалаудың операторы өндірісте цифрлық таңбалауды енгізетін бизнеске арналған шешімдер ұсынатын интеграторлармен таныстыруды жалғастыруда.

Өнеркәсіптік кәсіпорында таңбалау өндіріс қарқынына сай жұмыс істеуге, ERP, WMS немесе MES жүйелерімен деректерді дұрыс алмасуға, сериализацияны, агрегацияны, кодтарды оқуды, сапаны бақылауды және есептілікті беруді қамтамасыз етуге тиіс. Егер бұл процестер өзара байланыстырылмаса, кәсіпорын кодтармен жұмыс істеу кезінде қателерге, қолмен өңдеу қажеттілігіне, жөнелтудің кешігуіне және өндірістік желінің тоқтап қалу қаупіне тап болуы мүмкін.

VEKAS өндірістік кәсіпорындарға цифрлық таңбалау шешімдерін енгізеді және кодтарды алудан әрі оларды өзінің бағдарламалық қамтамасыз етуінде басқарудан бастап, кодтарды түсіру, оқу, верификациялау, агрегациялау, есепке алу, ішкі жүйелермен интеграциялау және кейінгі техникалық қолдауға дейінгі толық технологиялық контурды құруға көмектеседі.

Компанияның тауарларды таңбалау және өнеркәсіптік автоматтандыру жобаларын іске асыруда мол практикалық тәжірибесі бар. VEKAS шешімдерінің көмегімен 60 млрд-тан астам тауар таңбаланып, шамамен 2 500 өндірістік желі автоматтандырылды, FMCG, тамақ, фармацевтика, косметика және басқа да салаларда 250-ден астам жоба іске асырылды.

Таңбалау жүйесінің тұрақты жұмыс істеуі үшін кәсіпорынның нақты жағдайларын: өндірістік желінің жылдамдығын, қаптама форматын, өнім ағынының тығыздығын, жабдықтың орналасуын, ақаулы өніммен жұмыс істеу сценарийлерін, қойма процестерін және қолданыстағы есепке алу жүйелерін ескеру маңызды.

VEKAS цифрлық таңбалауды өнеркәсіптік интегратор ретінде енгізеді. Команда қолданыстағы инфрақұрылымды талдайды, қажетті жабдықты таңдайды, шешімнің архитектурасын жобалайды және оны өндірістік желімен әрі кәсіпорынның ішкі жүйелерімен интеграциялайды.

Жоба өнімнің қадағалануын қамтамасыз етуге қажетті процестердің толық кешенін қамтуы мүмкін: кодтарға тапсырыс беру және оларды басқару, сериализация, кодты қаптамаға түсіру, оқу, қате таңбаланған өнімді жарамсыз деп шығару, қорапқа немесе паллетке агрегациялау, өнім қозғалысын есепке алу және деректерді таңбалау жүйесіне беру.

Шешімнің маңызды бөлігі – VEKAS компаниясының меншікті бағдарламалық қамтамасыз етуі. Ол желідегі жабдықты, таңбалау процестерін, есепке алу жүйелерін және есептілікті өзара байланыстырады. Бағдарламалық қамтамасыз ету кодтарды басқаруға, өнім мәртебелерін тіркеуге, қателерді бақылауға, деректерді беруге және процестің әрбір кезеңінде ашықтықты қамтамасыз етуге көмектеседі.

Мұндай тәсіл өндірушіге код басып шығаруға арналған жеке учаске ғана емес, өнім шығарумен, қоймамен, есепке алумен, логистикамен және есептілікпен байланыстырылған басқарылатын таңбалау жүйесін алуға мүмкіндік береді.

Барлық өндіріс түріне бірдей қолданылатын әмбебап таңбалау тәсілі жоқ. Технологияны таңдау қаптама материалына, өндірістік желінің жылдамдығына, код түсірілетін орынға, таңбалаудың беріктігіне қойылатын талаптарға және кейінгі логистика жағдайларына байланысты.

VEKAS нақты өнім түріне, қаптамаға және өндірістік желіге сәйкес Data Matrix таңбалау технологияларын таңдап, енгізеді:

• CIJ – сияны үздіксіз беру арқылы таңбалау;

• Laser – лазерлік таңбалау;

• PIJ – пьезоэлектрлік бүріккіш таңбалау;

• TIJ – термиялық бүріккіш таңбалау;

• TTO – термотрансферлік таңбалау.

Алайда кодты түсіру – процестің бір ғана кезеңі. Таңбалау дұрыс жұмыс істеуі үшін жүйе кодты жай ғана басып шығармай, оны оқып, сапасын тексеріп, нәтижесін тіркеп, деректерді әрі қарай өндірістік контурға беруі тиіс.

Сондықтан VEKAS жобаларына камералар, сканерлер, датчиктер, ақаулы өнімді іріктеп шығару механизмдері және таңбалау процесін басқаруға арналған бағдарламалық қамтамасыз ету кіруі мүмкін. Өнім шығару жылдамдығы жоғары желілер үшін бұл әсіресе маңызды: жүйе өндірістік өнімділікті төмендетпей және өндірістік процесте тар орын қалыптастырмай, кодтарды тұрақты түрде түсіріп әрі оқуы тиіс.

VEKAS жобаның бағдарламалық бөлігін ғана емес, инженерлік бөлігін де толық қамтиды. Компанияның таңбалау процестерін басқаруға арналған меншікті бағдарламалық қамтамасыз етуі және басқару шкафтарын жинауға арналған жеке өндірістік базасы бар. Бұл шешімді біртұтас технологиялық контур ретінде жобалап, жеткізуге мүмкіндік береді.

Бір жүйеге бағдарламалық қамтамасыз ету, басқару шкафтары, принтерлер, камералар, сканерлер, датчиктер, атқарушы механизмдер және өндірістік желі біріктіріледі. Бұл іске қосу кезіндегі тәуекелдерді төмендетіп, кейінгі сүйемелдеуді жеңілдетеді, өйткені нәтиже үшін бір интегратор жауап береді.

Бұл үздіксіз жұмыс істейтін өндірістік желілер үшін әсіресе маңызды, себебі таңбалаудағы қате ақаулы өнімнің пайда болуына, өндірістің тоқтауына, жөнелтудің кешігуіне немесе есептіліктің дұрыс қалыптаспауына әкелуі мүмкін.

Өнімді цифрлық таңбалауды енгізу іске қосу-баптау жұмыстарымен аяқталмайды. Жүйе күн сайын тұрақты жұмыс істеуі, өндірістік жүктемеге төтеп беруі және кәсіпорындағы процестердің өзгеруіне бейімделуі тиіс.

VEKAS 24/7 режимінде техникалық қолдау көрсетеді. Мамандар техникалық мәселелерді жедел шешуге, қажетті өзгерістер енгізуге, шешімді жаңа өндірістік желілерге масштабтауға және таңбалау жүйесінің үздіксіз жұмысын қамтамасыз етуге көмектеседі.

VEKAS өнімді таңбалаудың сенімді әрі басқарылатын процесін құруға көмектесе алады: кодтарды алудан және бағдарламалық қамтамасыз етумен жұмыс істеуден бастап, Data Matrix кодтарын енгізу, оқу, сериализация, агрегация, ERP/WMS/MES жүйелерімен интеграциялау және 24/7 техникалық қолдауға дейін.

Tañba бірыңғай тауарларды таңбалау мен қадағалау операторы тауар айналымына қатысушылар интеграторды өз бизнесінің қажеттіліктері мен қаржылық мүмкіндіктерін ескере отырып дербес таңдайтынын атап өтеді.